Професорот Ангеле Михајловски и студентката Марија Стојанова настапија на Mеѓународниот фестивал „ВВ фест“ во Брно, Чешка. Станува збор за исклучително реномиран фестивал за кој професорите од УГД годинава за првпат добиваат покана за настап.

- Фестивалот според организацијата и содржината беше на светско ниво. Добивме покана да бидеме активни учесници што беше специфично од повеќе аспекти. Програмата беше доста богата со повеќе од 100 учесници во четири фестивалски дена. Исто така, имаше интензивни предавања од еминентни професори од целиот свет со кои лично остваривме контакти и се надевам дека и понатаму ќе соработуваме - изјави професорот Ангеле Михајловски од Музичката академија.

Професорот настапи заедно со Марија Стојанова, која е студент по пијано токму во неговата класа. Таа вели дека за неа ова е исклучително искуство.

- Настапивме како четирирачно пијано дуо со мојот професор Ангеле Михајловски. Вечерта кога ние настапивме беше насловена како интернационален арт подиум со Првиот воен марш од Шуберт и Увертирата на Кармен од Бизе, заедно со учесници од Германија, Чешка, Либан, Тајван и од многу други земји - изјави студентката Марија Стојанова.

Претставниците од УГД се надеваат дека, иако оваа година е прв настап на фестивалот, тоа ќе стане традиција и сѐ поголем број студенти и професори ќе имаат можност да се претставуваат на вакви меѓународни фестивали.

 

Технички секретар

Лидија Јорданова
Тел: +389 32 550 200
E-mail: Оваа е-адреса е заштитена од спамботови. Треба да ви е овозможено JavaScript за да ја видите.
Адреса: ул. „Крсте Мисирков“ бр. 10-А
Пош. фах 201, Штип - 2000, Р.Македонија

Студентски прашања

Штип - Видан Лазарев

Тел: +389 32 550 063

E-mail: Оваа е-адреса е заштитена од спамботови. Треба да ви е овозможено JavaScript за да ја видите.

 

Секретар

д-р Снежана Бардарова

Тел: +389 32 550 986

E-mail: Оваа е-адреса е заштитена од спамботови. Треба да ви е овозможено JavaScript за да ја видите.