Насловен доцент по виолина м-р Софија Никоска-Маџароска од Универзитет „Гоце Делчев“ - Штип настапи на Пролетниот фестивал за класична музика. Станува збор за редовно учество на професорката Маџароска на фестивалот со долгогодишна традиција „Interlaken Classics“ во Швајцарија. Настапот на проф. Маџароска беше со концертен ангажман како дел од „Zachar Bron Festival Orchestra".

Проф. м-р Дејан Лазаревски, професор по гитара на Музичката академија, заедно со  студентите од својата класа по класична гитара при Вокално-инструменталниот оддел на Музичката академија, Александра Кировска, ученикот Давид Костов од ДМУЦ „Сергеј Михајлов" и проф. Георги Трајков, ДКЦ Карпош, во Македонската филхармонија одржаа целовечерен концерт со соло и квартет изведби за дела од опусот за класична гитара.

Проф. д-р Милица Шкариќ, од Катедрата по пијано при Музичката академија во Штип, одржа едукативни семинари низ повеќе музички училишта во државата (Скопје, Штип и Кочани).

Од 22 до 24 април 2023 година во Културната станица „Свилара“ во Нови Сад се одржа 2. Меѓународен фестивал за професори и студенти „FLAUTA & ME“ на кој учествуваа сите музички академии од Словенија, Хрватска, Црна Гора, Босна и Херцеговина, Србија и Македонија.

Интервју со директорот Сашо Поповски

      Сашо Поповски е професор на Музичката академија на Универзитетот „Гоце Делчев“ во Штип. Интервјуто е преземено од „Cultural Chat“ и целосно може да се најде на следниов линк.

Музичката академија при УГД во соработка со ДМУЦ „Сергеј Михајлов“ - Штип го организираат првото специјално издание на Ден на пијаното, кое ќе се одржи на 29 и 31 март 2023 год.