Home

Познатата виолинистка Јелена Попржан одржа концерт и работилница за студентите на Музичката академија на Универзитетот „Гоце Делчев“ – Штип.

Попржан долги години живее и работи во Грац, Австрија, а инаку е од Зрењанин, Војводина.

Дојдов во Македонија на повик на Амбасадата на Австрија, со својот квартет свирев на концерт во рамките на кампањата Orange the world – стоп на насилството врз жените. Потоа настапив и на Конференција во Скопје, а ова е врв на сѐ, работа со идните но и сегашни колеги и колешки. Првпат сум во Македонија, и тоа е последна југословенска република во која досега не сум била, и навистина сум возбудена и среќна. Супер е интересирањето на овие деца кои дојдоа да видат и слушнат нешто, и тоа е нешто кое ми го исполнува срцето – изјави Јелена Попржан.