Саботното џез матине беше одлично исполнување на саботното музичко попладне во Aудиокултура, кое го посветивме на студентите од Музичката академија во Штип (Музичка академија на Универзитет „Гоце Делчев“ - Штип).

Беше задоволство да се ужива во едночасовниот репертоар отсвирен со младешки ентузијазам и врвна подготвеност кои ги покажаа талентираните студенти.

Музицирањето на Јован Цветковиќ - пијано, Теодор Јаневски - тапани и Емил Ејупи - бас внесе вистинска свежина во „Аудиокултура“ и потврда дека „Students play music at Audiokultura" е суштински пример на заемното поттикнување и квалитетно градење на музичка култура.

Овој настан беше првиот од петте предвидени како дел од „Live at Audiokultura" преку кој, заедно со Комерцијална банка АД Скопје како генерален покровител, поттикнуваме афирмација на музиката, музичарите и придобивките од нивна достапност како основа за социо-културно живеење.

„Teoharov Audio“ и „КRITERIUM MUSIC“ се значајни соработници на „Live at Audiokultura" кои со своите системи и инструменти овозможуваат презентирање на музиката на највисоко ниво.

Поддржувачи на сите настани од овој концепт се Винарија „Камник“ (Chateau „Kamnik Winery“) и „Инвест метал“ / Invest Metal.

Атмосферата на уникатност беше збогатена со дегустација на прекрасното вино „Pure Elegance“ од Винарија „Камник“, во комбинација со слатка и овошна закуска.