Професорите од Музичката академија при  УГД, проф. м-р Златка Митева, проф. д-р Бранко Павловски и доц. м-р Наташа Трбојевиќ, на 8 ноември 2017 година одржаа целовечерен концерт на Музичката академија „Франц Лист“ во Печ, Унгарија,  која има 450-годишна традиција од своето постоење.

Концертот беше проследен од многубројната публика којашто ја награди нивната изведба со бурни аплаузи и овации.

Овој концерт е дел од меѓународната концертна дејност на „Трио Академико“, а според концертната агенда за 2018 година им претстојат концерти во Будимпешта и во Софија.