Музичката академија при Универзитет „Гоце Делчев“ неодамна потпиша Меморандум за соработка со НУ Национална опера и балет.

Академијата, претставувана од деканката проф. м-р Златка Митева и продеканката за настава проф. д-р Валентина Велковска потпишаа Меморандум кој има за цел заедничка соработка и проекти со НУ Национална опера и балет, претставувана од директорот проф. д-р Васо Ристов.

Соработката ќе биде од бенефит и за студентите кои се дел од Академијата, како и на професорите кои имаат планови за заеднички проекти и активности на долг рок.