На 18 октoмври во Уметничката галерија „Безистен“ во Штип и на 26 октомври во Музејот „Борис Христов“ во Софија, Бугарија, се одржаа два  концерти насловени  „Вечер на македонски автори“, на кои беа изведени дела за флејта и пијано од македонски композитори од неколку генерации.

Признанието „Golden Oryx“, што за достигнувања во полето на културата го доделува „Катар ервејс“, годинава му беше врачено на Виктор Филиповски кој во изминатиов период се истакна како тапанар на повеќе состави.

Со концерт на Емилија Потевска започна манифестацијата „Уметничка пролет“ на Универзитетот „Гоце Делчев“ во Штип. Оваа манифестација се одржува по вторпат и е во рамките на одбележувањето на јубилејот 10 години УГД.

Музичкото трио „Грациозо“ на 19 октомври се претстави пред многубројната публика во Кавадарци, каде што се претставија со палета на композиции од современата македонска културна ризница, како С. Стојков, Т. Зографски, Т. Скаловски, Д. Шуплевски, Т. Прокопиев и сплет од фолклорни македонски композиции во аранжман на С. Иванов.

Државната награда „11 Октомври“ за 2017 година ја добија музичкиот уметник Влатко Стефановски и историчарот проф. д-р Амет Шериф. Стефановски ја доби наградата за животно дело во областа на културата и уметноста, а Шериф во областа на науката и образованието.

Членовите на камерниот состав „Трио Академико“, проф. м-р Златка Митева на флејта,  проф.  д-р Бранко Павловски на кларинет и доц. м-р Наташа Трбојевиќ на пијано, неодамна успешно се претставија пред музичката публиката во Хрватска и во Србија со целовечерни концерти на камерна музика, промовирајќи ја Музичката академија и УГД - Штип.