Студентите и магистрантите од класата на проф. д-р Емилија Потевска-Попивода активно работеа и во време на самоизолација. Приспособувајќи се на новиот привремен начин на комуникација и одржување на концерти, го подготвија видеоконцертот „Во светот на чудата“.

Музичката академија при УГД е домаќин на декани и ректори на музичките академии членки на Иницијативата „17 +1“ (земјите од Централна и од Источна Европа и НР Кина).

Студентите од Вокално-инструменталниот оддел на Музичката академија во Штип одржаа низа промотивни концерти низ Македонија. На високопрофесионално уметничко ниво и со голема посветеност и ентузијазам, студентите ја промовираа Музичката академија при Универзитетот „Гоце Делчев“  во Кочани, Штип и во Велес. Концертите предизвикаа голем интерес кај публиката, која со бурни аплаузи ги поздрави концертните настапи.

Професорот Анте Милиќ од Универзитетот во Загреб одржа неколку предавања во рамките на семинар за студенти и средношколци во Штип. Тој изминатата недела преку програмата Еразмус е гостин на УГД и Музичката академија каде што одржа семинар и концерт на кој присуствувале студенти од академијата, но и средношколци од Штип и Скопје.

Дуото Митева – Трбојевиќ, двете професорки на Музичката академија при Универзитетот „Гоце Делчев“, одржа целовечерен солистички концерт во рамките на Музичкиот фестивал Темпието „Concerti del Tempietto’’ во Театро Марчело во Рим, Италија, што се одржува традиционално секоја година.

Студентите од Одделот за џез на Музичката академија при Универзитетот „Гоце Делчев“ – Штип во среда, 22 мај, ќе одржат концерт, предводени од проф. д-р Звонимир Тот од Чикаго.