Композицијата за две пијана „Дали паметиш Милице“ - Ноктурно оп. 52 б на македонскиот композитор Димитрије Бужаровски е снимена онлајн, за време на карантинот.

39. издание на Скопски џез фестивал се одржува од 14 до 17 октомври, со концерти во живо на познати изведувачи од Македонија и од Европа.

Музичката академија при УГД заедно со Универзитетот за уметности во Белград се коорганизатори на Балканскиот џез фестивал „Balkan Youth Jazz Orchestra“. Главен организатор на настанот е невладината организација „Jazz Art”, а неодамна распишаа Повик за учество на млади џез уметници.

Сојузот на музичките уметници на Македонија (СМУМ) на последната концертна вечер, во рамките на фестивалот „Златна лира“, на 16 октомври во Музејот на македонската борба традиционално ги додели наградите „Златна лира“ за 2020 година.

Камерното дуо Златка Митева (флејта) и Наташа Трбојевиќ (пијано), професорки на Музичката академија при УГД – Штип, ја добија наградата „Георги Божиков“, која СОКОМ ја доделува на музички уметници и ансамбли за најуспешна јавна изведба на дела од македонски композитори во текот на една година. Наградата се однесува за 2019 година.

Студентите и магистрантите од класата на проф. д-р Емилија Потевска-Попивода активно работеа и во време на самоизолација. Приспособувајќи се на новиот привремен начин на комуникација и одржување на концерти, го подготвија видеоконцертот „Во светот на чудата“.